財爺削$2500學生津貼 Ｎ無港媽同女講：「嚟緊都係Hea飯」

財政預算案取消$2500元學生津貼，惹來不少家長憂慮財政壓力增加，有「Ｎ無家庭」港媽得悉$2500元被削，在社交平台表示，即日為女兒準備的飯盒亦「有啲Hea」，「我同女講，嚟緊飯盒都係咁hea架喇！節衣縮食喇！」該港媽附有「Hea飯」的實拍照，尚有一碗菜和一碗切成條狀的豬肉，帖文掀起熱烈迴響。

財政預算案公布，現時為全港近80萬名中小、幼學生每年提供的$2500元學生津貼，由2025／26學年起將取消。港媽在帖文中對於$2500元津貼被削減感不滿，她表示：「我地Ｎ無家庭，稅照交，但唯一$2500學生津貼都cut埋。」

她質疑一些騙取綜援的人士，因為成功騙過政府而仍然「可以拎全津......佢地有學津有交津，連買眼鏡電腦都有資助」，但她現在連唯一的$2500元學生津貼也沒有。港媽說：「唔係靠$2500開飯，我哋買書買校服都唔夠，叫做幫下囉。開學又十萬樣費用要交，學生電子教學系統維護呀，冷氣保養呀。」她無奈表示：「啱啱老師催我交下個學期個雜費喇，又四百喇！」