Keeta外賣員收離譜「柯打」！凌晨4時送青衣「三支香」最高點 徒步上山僅獲$43.2 最終訂單咁處理……

近日，一位外賣員在Facebook群組「KeeTa外賣關注組」分享了一張離譜「柯打」。外賣員在凌晨3時51分收到1張由青衣工業中心二期送往青衣「三支香」（又稱：青衣山）南峰最高位置涼亭附近的訂單，送單價為$43.2，若在4時35分前送達更可額外獲得$9小費。 訂單備註指明「只有步行路徑上山」，並提示「著白色衫，其實得我同朋友睇日出，嗰位有啲難上去」。翻查資料，南峰是青衣「三支香」的最高點（海拔334米），上山必經一段長而陡的樓梯，加上當時凌晨時分天色昏暗，過程不僅考驗體能，而且更暗藏危險。 帖文迅速引起網民熱議，不少網民認為落單者「有心搞事」，「自己已經夠無聊夜媽媽走上山，仲要拉人落水，見微知著，呢條友真係好人有限」、「半夜行上山有咩事上黎邊個負責」、「落雨我都吾會叫外賣，廢事人地（哋）淋濕身，人地（哋）都有阿媽生㗎」、「上到去隨時變失蹤人口」、「個客0成本玩嘢」。 有網民好奇訂單最終如何處理，「好想知最後佢食唔食到宵夜呢，全部人都唔接張單會點處理？」對此，樓主則回覆指餐廳老闆決定取消外賣訂單，「聽老闆講，取消了」、「冇得唔取消」。